Mediation Center Mitrovica

THIRRJE E HAPUR: GRANTE PËR IDE DHE PLANE TË BIZNESIT PËR TË RRITUR BASHKËPUNIM EKONOMIK NDËRETNIK
Thirrje për Aplikim: Rritja e bashkëpunimit ekonomik ndëretnik
THERE IS ONLY ONE SIDE – THE JOINT ONE
JANË TË GATSHËM TË BËJNË NDRYSHIM – TË RINJTË NË MITROVICË TË VENDOSUR PËR TA BËRË KËTË QYTET NJË VEND MË TË MIRË PËR TË JETUAR
THEY ARE READY TO MAKE A CHANGE – YOUNG PEOPLE IN MITROVICA DETERMINED TO MAKE THIS CITY A BETTER PLACE FOR LIVING

Shërbimet

ÇKA ËSHTË NDËRMJETËSIMI?

Ndërmjetësimi është një proces ku një palë e tretë u asiston dy ose më shumë palëve, me pëlqimin e tyre, për të parandaluar, menaxhuar ose zgjidhur një konflikt duke i ndihmuar ato të arrijnë marrëveshje reciprokisht të pranueshme. Premisa e ndërmjetësimit është se në mjedisin e duhur, palët në konflikt mund të përmirësojnë marrëdhëniet e tyre dhe të lëvizin drejt bashkëpunimit (…) Ndërmjetësimi është një përpjekje vullnetare në të cilën pëlqimi i palëve është kritik për një proces dhe përfundim të qëndrueshëm.’’ (Udhëzimi i OKB-së për Ndërmjetësim Efektiv, 2012).

SI FILLON NDËRMJETËSIMI?

Referimi nga gjykata - nëse një rast është në gjykatë, një gjyqtar mund të sugjerojë që palët të provojnë ndërmjetësimin, ose këto palë mund të vijnë vetë në përfundim të tillë. Kjo duhet të bëhet gjatë procesit gjyqësor ose para zgjidhjes së çështjes gjyqësore. Nëse palët bien dakord, gjykata do të referojë çështjen në Qendrën e Ndërmjetësimit, e cila do të kthejë lëndën në gjykatë pas përfundimit të procesit të ndërmjetësimit. Kjo mënyrë e ndërmjetësimit quhet ‘’aneks - ndërmjetësimi i gjykatës’’.

KU USHTROHET NDËRMJETËSIMI?

Qendra për Ndërmjetësim Mitrovicë në rrugën ‘’Nemanjina/Sami Frashëri’’, Nr. 52 / 40 000 Mitrovicë, Kosovë.

CILAT JANË AVANTAZHET E NDËRMJETËSIMIT?

Avantazhet e ndërmjetësimit përfshijnë: efikasitetin (shumica e rasteve zgjidhen brenda disa sesioneve), qëndrueshmërinë (ndërmjetësimi çon në zgjidhje të qëndrueshme), konfidencialitetin (palët dhe ndërmjetësuesit ruajnë konfidencialitetin e procesit), suksesin (përqindja e rasteve të suksesshme është shumë e lartë).

KUSH JANË NDËRMJETËSUESIT?

Sipas standardeve europiane të ndërmjetësimit, ndërmjetësuesit kanë përfunduar disa trajnime që kërkohen nga Komisioni për Ndërmjetësim dhe janë të obliguar të respektojnë kodin e sjelljes së ndërmjetësimit. Pasi ndërmjetësimi funksionon në baza vullnetare ndërmjetësuesit vijnë nga sfonde të ndryshme profesionale, ndër të tjera: juridik, ekonomi, biznes, psikologji, mësuesi, çështje sociale. Ndërmjetësuesit mund te zgjedhen nga lista e dhënë nga Qendra për Ndërmjetësim apo në gjykatë për rastet e referuara nga kjo e fundit.

CILI ËSHTË ROLI I NDËRMJETËSUESIT/ES NË MOSMARRËVESHJE?

Ndërmjetësuesi/ja është i/e pavarur. Në kuadër të procesit të ndërmjetësimit, roli kryesor i ndërmjetësuesit/es është që të ndihmojë në zgjidhjen vullnetare të një mosmarrëveshjeje dhe të mbështesë të gjitha palët. Ndërmjetësuesi/ja nuk shpreh opinionet e tij/saj dhe nuk sygjeron zgjidhje. Ai/ajo ofron shërbimet e tij/saj vetëm në çështjet në të cilat ai/ajo mund të mbesë i/e paanshme. Mbështetja e njejtë për të gjitha palët e përfshira në proces është parim bazë i ndërmjetësimit. Detyrë e ndërmjetësuesit është që t’u asistojë në mënyrë të barabartë të gjitha palëve të përfshira në kontest.

SA ËSHTË KOSTO E NDËRMJETËSIMIT?

Kostoja e ndërmjetësimit varet nga fakti nëse rasti/lënda është referuar nga gjykata apo është rast/lëndë jashtë gjykatës. Nëse ka ndërmjetësim në rastet e referuara nga gjykata, palët nuk paguajnë për ndërmjetësim. Ndërsa nëse palët iniciojnë ndërmjetësimin jashtë gjykatës ato do të paguajnë një shumë modeste që shkon për shërbimin e ndërmjetësuesit/es, i cili për momentin ka koston prej 25 Euro për ndërmjetësim. Kjo shumë shkon për ndërmjetësuesin/end he jo për Qendrën për Ndërmjetësim. Përndryshe për informata më të hollësishme dhe më të reja për kostot e shërbimeve të ndërmjetësimit vizitoni zyret e Qendrës sonë.

A ËSHTË NDËRMJETËSIMI KONFIDENCIAL?

Po, procesi i ndërmjetësimit është tërësisht konfidencial. Vetëm palët dhe ndërmjetësuesi/ja mund të jenë të pranishëm gjatë ndërmjetësimit. Ndërmjetësuesi/ja ka për detyrë të mbajë emrat e palëve të përfshira në kontest, përmbajtjen e ndërmjetësimit, si dhe tërë procesin rreptësisht konfidencial.

ÇKA NËSE NDËRMJETËSIMI NUK ËSHTË I SUKSESHËM?

Ndërmjetësimi mund të ketë shumë përfundime. Ndërmjetësuesi/ja u ofron të gjithë ndihmën e nevojshme palëve për arritjen e një marrëveshjeje konsensuale, duke mos u imponuar mendimin dhe zgjidhjen e tij/saj. Nëse ndërmjetësimi nuk është i sukseshëm, palët ende mund ta gjejnë një zgjidhje për mosmarrëveshjen e tyre në mënyra tjera, përfshirë zgjidhjet gjyqësore.

A ËSHTË MARRËVESHJA E NDËRMJETËSUAR EKZEKUTIVE?

Nëse një rast është referuar nga gjykata, gjykatësi do të nënshkruajë një marrëveshje me palët e përfshira dhe ndërmjetësuesin/en, me anë të së cilës marrëveshja bëhet ekzekutive. Kjo do të thotë se marrëveshja është një kontratë ligjore dhe e zbatueshme. Nëse të palët bien dakord për ndërmjetësim jashtë-gjyqësor, një marrëveshje e njejtë-detyruese mund të arrihet. Palët po ashtu mund të noterizojnë këtë marrëveshje

Numri i lëndëve të referuara nga gjykata, prokuroria dhe të vetë – referuara

Numri i lëndëve të ndërmjetësuara me sukses

Numri i lëndëve pasuksesshme

Shkalla e ndërmjetësimit të suksesshëm

Lajme