Konkurs për punë: Menaxher/e i/e Projektit

3:14 | Wednesday, 16. September, 2020

Status: Active

Pozita: Menaxher/e i/e Projektit

Numri i Pozitave: 1

Organizata: OJQ Qendra për Zgjidhjen Alternative të Kontesteve (ADRC)

Mbikëqyrësit: Menaxherët e Programit (2)

Vendi i Punës: Rr. ‘’Oliver Ivanović/Sami Frashëri’’, Nr. 52 – Mitrovicë

Qendra për Zgjidhjen Alternative të Kontesteve (ADRC) është organizatë multietnike me qendër në Mitrovicë, puna e së cilës është e përqendruar në ndërtimin dhe promovimin e një kulture të mirëkuptimit të ndërsjellë, angazhimit paqësor dhe kohezionit shoqëror ndërmjet komuniteteve. ADRC përpiqet që të ofrojë një platformë për angazhim ndëretnik dhe të kontribuojë në zhvillimin e komuniteteve.

Organizata gjithashtu punon për të mbështetur fuqizimin e sistemit të drejtësisë në veçanti në rajonin e Mitrovicës. Ka arritur të asistojë qasjen në drejtësi dhe punën e Gjykatës Themelore dhe Prokurorisë Themelore në Mitrovicë në mënyrë eksponenciale përmes ofrimit të shërbimeve të shpejta, efikase dhe me kosto të ulët të ndërmjetësimit dhe është e fokusuar që të vazhdojë të mbështesë punën e strukturave të drejtësisë në rajon (të Mitrovicës).

ADRC për momentin po kërkon një individ për pozitën Menaxher/e i/e Projektit. Duke punuar nën mbikëqyrjen e drejtpërdrejtë të Menaxherëve të Programit të ADRC-së dhe në një ekip të larmishëm dhe të motivuar, Menaxheri/ja i/e Projektit do të jetë përgjegjës/e për:

Planifikimin, implementimin dhe raportimin e aktiviteteve të projektit/eve përkatëse të ADRC–së brenda një kornize të definuar.
Vendosjen e afateve dhe monitorimin e periudhave të implementimit dhe të kostove të aktiviteteve të projektit/eve përkatëse.
Të siguruar që aktivitetet e projektit/eve përkatëse bëhen në kohë dhe në buxhet.
Trajtimin e çdo çështje që shfaqet dhe ka të bëjë me aktivitetet e projektit/eve përkatëse.
Të marr përgjegjësi për palët e involvuara në projektin/et përkatëse.
Monitorimin dhe, sipas nevojës, përgatitjen e projektimeve financiare, kontratave dhe infrastrukturës (formave) administrative të projektit/eve përkatëse.
Përgatitjen dhe shpërndarjen e përmbajtjeve dhe materialeve relevante promovuese dhe strategjizim dhe ekzekutim të punës në terren me qëllim të angazhimit të komuniteteve, palëve të interesuara dhe audiencave më të gjera.
Të siguruar cilësinë dhe përcjelljen e rezultateve të projektit/eve përkatëse duke përdorur mjetet e duhura.
Vlerësimin e projektit/eve përkatëse dhe të rezultateve.
Përgatitjen dhe prezantimin e raporteve të progresit dhe finale (mbi projektin/et përkatëse) për mbikëqyrësit, përfaqësuesit e organeve të tjera të ADRC-së, donatorët dhe palët tjera të interesuara.
Përfaqësimin e organizatës tek palët e interesuara dhe publiku i gjerë.
Të marrë pjesë në takime dhe ngjarje të komunitetit, ato sektoriale dhe poashtu me përfaqësues të institucioneve sipas nevojës.
Hulumtimin e mundësive për ngritje të fondeve, propozim dhe zhvillim të ideve dhe koncepteve për projekte.
Performimin e detyrave tjera që caktohen.

Kërkesat/Aftësitë që kërkohen:

Diplomë akademike të njohur, mundësisht në shkenca shoqërore.
Përvojë të punës në shoqëri civile dhe mjedise multietnike.
Njohja e teknikave dhe parimeve të menaxhimit të projekteve.
Shkathtësi profesionale të komunikimit, në të shkruar dhe në të folur.
Aftësi të forta kompjuterike; përdorim efikas të spreadsheets, bazave të dhënave, punim të tekstit, prezantimeve, etj. (duke përfshirë MS Office Excel, Word, PowerPoint dhe Adobe).
Rrjedhshmëri të gjuhës shqipe dhe angleze. Njohja e gjuhës serbe është përparësi.
Të jetë në gjendje të punojë në mënyrë të pavarur, si pjesë e ekipit dhe nën presion.

Si të aplikoni:

Për të aplikuar, ju lutemi dërgoni dokumentet si më poshtë në info@mediation-mitrovica.org

Curriculum Vitae
Letër motivuese (duke specifikuar kualifikimet tuaja përkatëse dhe motivimin për pozitën)
Letër reference (1)

Ju lutemi përdorni “Project Manager – Job Application” si subjekt të email-it tuaj.

AFATI I FUNDIT PËR APLIKIM: 21.09.2020

ADRC është punëdhënës i mundësive të barabarta.